Bu gün Azərbaycan elm ictimaiyyətinin görkəmli nümayəndəsi, akademik Azad Mirzəcanzadənin anım günüdür.

Azərbaycan elminin inkişafında xüsusi xidmətləri ilə seçilən A. Mirzəcanzadə tətbiqi riyaziyyat, eləcə də neft-mədən işləri sahəsində mühüm elmi tədqiqatları olan, dünyada tanınan dəyərli alimlərimizdəndir.

Böyük elm məktəbinin bünövrəsini qoyan alim nəinki öz sahəsi üzrə, bir çox dünyəvi və elmi biliklərin mükəmməl bilicisi, tədqiqatçısı idi. Akademik ümumilikdə 400-dən artıq elmi əsər, 50-dən çox ixtira və patentin müəllifi olaraq dünya elminə çox böyük töhfələr vermiş unikal alimdir.

Azərbaycan Yüksəliş Partiyası nüfuzlu alim, ictimai xadim Azad Mirzəcanzadənin xatirəsini dərin hörmətlə yad edir.