Azərbaycan Yüksəliş Partiyasının Başqanı Anar Əsədli bu gün İstanbulda İstək Vəqfi və Yeditepe Universitetinin qurucusu, Türk Dünyasının böyük şəxsiyyətlərindən olan Bədrəddin Dalanla görüşüb.
Anar Əsədli İstanbul böyük şəhər statusu aldıqdan sonra ilk bələdiyyə başqanı, sabiq millət vəkili olan Bədrəddin Dalan ilə
Yeditepe Universitetinin kampüsündə bir araya gəlib, səmimi söhbət edib.
Görüşdə Azərbaycanla Türkiyə arasında münasibətlərdən danışılıb, bu əlaqələrin əslində potensialın altında olduğu diqqətə çatdırılıb.
Qeyd olunub ki, bu əlaqələrin istənilən səviyyəyə çatdırılması üçün bütün sahələrdə münasibətlər qurulmalıdır.
AY Partiya Başqanı Bədrəddin Dalana Azərbaycan bayrağı, "Xarı bülbül" nişanı və öndərimiz Məhəmməd Əmin Rəsulzadənin özəl nəşr edilmiş "Əsrimizin Siyavuşu" kitabının 0623-cü (bu rəqəmlər Ankaranın seriya nömrəsi və Türkiyə Cümhuriyyətinin qurulduğu ili göstərən tarixin birləşməsidir) nüsxəsini təqdim edib.
Görüşdən sonra "Bilimsel Teknoloji Sanani ve Ticaret" Şirkətinin İdarə Heyətinin rəhbəri Məhəmməd Haluk Ilıcan AY Partiya Başqanı və rəhbərlik etdiyi nümayəndə heyətinə universitetin kampüsünü gəzdirib. Qonaqların şərəfinə universitetin yeməkxanasında nahar təşkil olunub.
AY Partiya Başqanını I müavini Bəhrəm İsmayılov və müavini Gülşən Hacıyeva müşayiət edib.