Azərbaycan Yüksəliş Partiyasının Başqanı Anar Əsədli İstanbulda Avropa Ülküçüləri İstişarə Heyətinin və Ural-Altay Dil və Mədəniyyət Federasiyasının Başqanı Mehmet Emin Kaya ilə görüşüb.
Görüşdə türk milliyyətçiliyi, türkçülük ideologiyası istiqamətində söhbətlər aparılıb, Türk dövlətləri və toplumlarının mədəni, elm, təhsil sahəsində əlaqələrin inkişafı ilə bağlı müzakirələr olub.
AY Partiya Başqanı müəllifi olduğu “Vicdanın labüd etdiyi savaş” kitabını Mehmet Emin Kayaya hədiyyə edib. Avropa Ülküçüləri İstişarə Heyətinin Başqanı isə Anar Əsədliyə plaket təqdim edib.
Görüşdə Avropa Ülküçüləri İstişarə Heyətinin Başqan müavini Məhəmməd Köksal da iştirak edib.
Mərkəzi ofisi Almaniyanın Hamburq şəhərində yerləşən İstişarə Heyəti Avropadakı bütün ülküçüləri özündə birləşdirən qurumdur. Avropanın onlarla şəhərində qurumun ofisləri fəaliyyət göstərir.
