Azərbaycan Yüksəliş Partiyasının Başqanı Anar Əsədli, Başqan müavinləri Gülşən Hacıyeva və Nigar Sultanlı "Azərbaycan Nəşriyyatları" İctimai Birliyinin Sumqayıt şəhərində təşkil etdiyi kitab sərgisində iştirak edib.
Partiya rəhbərliyi müxtəlif nəşriyyatların guşələrinə baş çəkərək, AY Partiyanın kitabxanası üçün yerli və xarici müəlliflərin kitablarını alıb, yazıçılarla söhbətləşib.
Anar Əsədli bu növ sərgilərin mütəmadi keçirilməsinin oxucu kütləsinin artmasına bilavasitə təsir etdiyini bildirib və bu yolda əmək sərf edən hər kəsə, xüsusilə sərginin təşkilatçılarına təşəkkür edib.
