Anar Əsədli bu gün Şuşada Yeni Azərbaycan Partiyası (YAP) və Türkiyənin Ədalət və İnkişaf Partiyasının (AK Parti) birgə təşkilatçılığı ilə “Azərbaycan-Türkiyə strateji müttəfiqlik münasibətləri Qafqaz və region üçün sülh və sabitlik mənbəyidir” mövzusunda keçirilən beynəlxalq konfransda iştirak edib.

Şuşa Bəyannaməsinin imzalanmasının 1-ci ildönümünə həsr olunmuş tədbirə iki ölkənin dövlət rəsmiləri, siyasi partiya rəhbərləri və təmsilçiləri qatılıb.

Azərbaycan Respublikası Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev, YAP Sədrinin müavini, Mərkəzi Aparatın rəhbəri Tahir Budaqov, AK Parti Başqanının müavinləri Numan Kurtulmuş, Binəli Yıldırım, Efkan Ala, Milliyyətçi Hərakat Partiyasının (MHP) Baş katibi İsmət Büyükataman, iki ölkənin Kənd təsərrüfatı nazirləri Vahid Kirişçi, İnam Kərimov, Xarici işlər nazirlərinin müavinləri Yavuz Selim Kıran, Xələf Xələfov, Müdafiə nazirlərinin müavinləri Muhsin Dere, Ənvər Əfəndiyev, AK Parti millət vəkili, TBMM-in Türkiyə-Azərbaycan Dostluq qrupunun rəhbəri Şamil Ayrım və digərlərinin iştirakı ilə keçirilən konfransda iki ölkənin müxtəlif sahələrdə, o cümlədən siyasi, hərbi, mədəni, kənd təsərrüfatı sahələrində mövcud əlaqələrinin daha da inkişaf etdirilməsinə dair müzakirələr aparılıb.