Azərbaycan Yüksəliş Partiyası Başqanının Elm və təhsil məsələləri üzrə müavini İlahə Qurbanlı Ankaraya səfəri çərçivəsində Türk Ocaqlarının mərkəzi qərargahında olub.

İlahə Qurbanlı Türk Ocaqlarının Baş katibi, akademik, professor Mehmet Şahingöz və Türk Ocaqları Başqanının müavini, Avrasiya Yazarlar Birliyinin rəhbəri, Türk Dünyası Vəqfinin İdarə Heyətinin üzvü, dosent Yakup Öməroğlu ilə görüşüb.

Görüşdə AY Partiya və Türk Ocaqlarının mövcud əlaqələrinin daha da inkişaf etdirilməsinin faydalarından danışılıb, elm və təhsil sahəsində ortaq layihələrin həyata keçirilməsinin vacibliyi vurğulanıb.

Görüşün sonunda AY Partiya Başqanı Anar Əsədlinin müəllifi olduğu “Vicdanın labüd etdiyi savaş” kitabı Mehmet Şahingöz və Yakup Öməroğluna təqdim edilib.