AY Partiya Başqanı Anar Əsədlinin bu gün imzaladığı sərəncama əsasən, Aqil Ağaverdi oğlu Dadaşzadə Azərbaycan Yüksəliş Partiyası Başqanının Hökumətlə əlaqələr və protokol məsələləri üzrə müavini təyin edilib.

 

Anar Əsədlinin imzaladığı digər sərəncamla Aynur Qəzənfərqızı Başqanın Türk Dünyası və ideoloji məsələlər üzrə müavini təyin olunub.

 

Qeyd edək ki, Aqil Dadaşzadə Türkiyə İşıqlar Hərbi Liseyi, Türkiyə Quru Qoşunları Ali Hərbi Məktəbi, Türkiyə Artilleriya və Raket Məktəbində təhsil alıb. Daha sonra Bakı Dövlət Universitetində hüquq ixtisasına yiyələnib. Bir neçə xarici dil bilən Aqil Dadaşzadə ehtiyatda olan zabitdir.

 

Filologiya üzrə fəlsəfə doktoru Aynur Qəzənfərqızı isə Bakı Slavyan Universitetini bitirib, magistratura təhsilini Azərbaycan Dövlət Pedaqoji Universitetində, doktorantura təhsilini AMEA Folklor İnstitutunda alıb. Bir neçə dil bilən Aynur Qəzənfərqızı xeyli kitab və elmi əsərlərin müəllifidir.