Doğum yeri Yavru Vatan Kipr, vəfat yeri Ana Vatan Türkiyə olan görkəmli siyasət adamı, dövlət xadimi, Milliyətçi Hərəkat Partiyasının qurucusu və ilk Başqanı, milyonlarla Türkçünün Başbuğu Alparslan Türkeşin ölümündən 24 il ötür.

Özünün şüurlu həyatını Türk Milliyyətçiliyinə həsr edən Alparslan Türkeş mənsubu oduğu bütün qurumlarda – istər Türk Silahlı Qüvvələrində, istər siyasi partiyalarda olsun, hər zaman milli mənafəyi hər bir məsələnin üstündə tutur, bir addım belə güzəştə getməzdi. Bu dönməz xasiyyətinə görə yüz minlərlə insanın etimadını qazandı və qısa zamanda milliyyətçilərin təşkilatlanmasını təmin etdi.

Alparslan Türkeşin həyatı bu gün də milyonlarla insanın siyasi, ictimai, hətta milli mübarizədə nümunə aldığı hadisələrlə, davranışlarla zəngindir. Yaşaysrkən özü, yaşamından sonra adı həm Türkiyədə, həm də Türk dünyasında fəaliyyət göstərən Türkçülərin, Milliyyətçilərin, Turançıların siyasi yolunu aydınladır.

AY Partiya rəhbərliyi və üzvləri Alparslan Türkeş adının heç vaxt unudulmayacağını bildirir, əziz xatirəsini dərin ehtiram hissi ilə yad edir.