Xalqımıza əvəzsiz ədəbi irs bəxş edən, ürəyi Azərbaycan eşqi ilə döyünən görkəmli şair Almas İldırımın anadan olmasından 114 il ötür. Ömrünün şüurlu dövründə bütün məqsədi Azərbaycanı azad görmək olan şair sovet rejiminə boyun əymədi və yolundan dönmədi. 

Almas İldırım vətənindən didərgin salınsa da, ömrünün axırına qədər yaşadığı Türkiyədə isiqlal ruhlu yaradıcılığna davam etdi. 

Ədəbi mirasının baş tacı müasir nəsillər üçün çox əziz olan “Əsir Azərbaycan” şeiridir. 

Xəbər alsam Muğanımdan, Milimdən,

Nazlı Bakım, o neft qoxan gülümdən,

Kim demiş ki, düşmüş adı dilimdən,

Azərbaycan, mənim eşsiz yurdum, oy!..

Ölməz eşqim, içimdəki dərdim, oy!.. 

Özünün də taleyini dilə gətirdiyi bu şeirində vətən həsrətinin acısını izhar edir. Onun bu və digər şeirləri  Azərbaycanın istiqlalına, müstəqillliyin bir gün əldə olunacağına inamı artırırdı. Müasir Azərbaycan indi müstəqildir, azaddır və Almas İldırımın xəyalları həyata keçib

AY Partiya rəhbərliyi və üzvləri doğumunun  növbəti ildönümündə istiqlal aşiqi Almas İldırımın əziz xatirəsini minnətdarlıq hissi ilə dərin ehtiramla yad edir. Ruhu şad olsun!