Azərbaycan Yüksəliş Partiyasının Rusiya polisinin Ümumtatar İctimai Mərkəzinəb basqını ilə əlaqədar ETİRAZ mesajı 

Dünən Rusiyanın Ekstremizmə qarşı Mübarizə Mərkəzi, isə daxili işlər orqanlarının əməkdaşları Ümumtatar İctimai Mərkəzinin (ÜMİM) ofisində və Mərkəzin sədri Farit Zakievin evində axtarış aparıb. 

Keçən ilin yayında başlanan ekstremizmlə bağlı qondarma cinayət işi çərçivəsində müstəntiqlər Zakiyevə aid sənədləri, telefonları və kompüterləri ələ keçiriblər. 

ÜMİM-in vəkili mətbuata açıqlamasında axtarışları qanunsuz hesab edib və prokurorluğun başlatdığı Mərkəzin qadağan edilməsi ilə bağlı məhkəmə prosesi fonunda olanları "qorxutma elementi" adlandırıb.

Farit Zakiyev uzun illərdir, Rusiya rəhbərliyinin milli dillərin istifadəsinə gətirdiyi əngəlləri və qadağaları tənqid edən ictimai fəaldır. Polis basqının əsas məqsədi onu və Mərkəzin üzvlərini susdurmaq, fəaliyyətlərini dayandırmaqdır.

AY Partiya rəhbərliyi hesab edir ki, Rusiyanın qurulmasında və formalaşmasında əməyi olan Tatar xalqının nümayəndələrinə qarşı əsassız və qondarma cinayət işlərinin başlanmasına, ictimai fəalların təqibinə, milli dillərin istifadəsinin məhdudlaşdırılmasına son verilməlidir. Ümumtatar İctimai Mərkəzinin rəhbərliyinə və üzvlərinə qarşı haqsız hücumlara da etiraz edir, Tatar xalqının milli qüvvələri ilə həmrəyliyimizi bildiririk.