Yanvarın 13-də Yasamal Rayon Məhkəməsində 2021-ci il noyabrın 30-da qəzaya uğrayan Dövlət Sərhəd Xidmətinə (DSX) məxsus Mi-17 tipli helikopterdə olduğu və qəza nəticəsində yaralandığı bildirilən DSX əməkdaşlarının Vətəndaş və İnkişaf Partiyasının (VİP) sədri Əli Əliyevə qarşı Azərbaycan Respublikası Cinayət Məcəlləsinin 147.1-ci (böhtan) maddəsi ilə xüsusi ittiham qaydasında verdikləri şikayət əsasında məhkəmə prosesi keçirilib.
Prosesdə Əli Əliyev təqsirli bilinərək, barəsində 5 aylıq həbs qərarı çıxarılıb.
Azərbaycan Yüksəliş Partiyası bəyan edir ki, müxalifətdə olan bir partiya sədrinin subyektiv fikrinə görə həbsi ölkədə siyasi dialoq mühitinə zərər vurur. Hesab edirik ki, dövlətin imicinə xələl gətirə biləcək bu hadisənin qarşısı təcili alınmalıdır.
AY Partiya bu olayı siyasi fəaliyyət göstərən şəxslərə qarşı təzyiq kimi dəyərləndirir və VİP sədrinin azad olunmasını tələb edir.
