Əsərləri ilə uşaq bağçasından tanış olub, sonra ahıl yaşımıza qədər dəfələrlə yenidən oxuduğumuz şairdir, hər misrasında vətənə, xalqa olan sevgisini, vurğunluğunu dilə gətirən görkəmli ədibimizdir Səməd Vurğun - Səməd Yusif oğlu Vəkilov. 

Bu ad hər bir azərbaycanlı üçün çox doğmadır. 21 mart 1906-cı ildə Qazaxda  dünyaya göz açan Vurğun dünya böyüklükdə nəhəng ədəbiyyat nümunələri ilə Azərbaycanı vəsf edib, bizə miras buraxıb. 

Səməd Vurğunun ən məşhur şeirləri "Azərbaycan", "Ceyran", "Dağlar", "Şair, nə tez qocaldın sən", "Mən tələsmirəm", poemaları isə  "Komsomol poeması", "Talıstan", "Muğan", "Aygün"dür. 

Poemaları əsasında "Yeddi oğul istərəm" və "Aygün" filmləri çəkilib. "Vaqif", "Fərhad və Şirin", "İnsan" pyesi isə S.Vurğunun məşhur dramlarıdır. 

AY Partiya üzvləri Səməd Vurğunun əziz xatirəsini ehtiramla yad edir.