Azərbaycanın Milli Qəhrəmanı, 1-ci (2-ci) Qarabağ müharibəsi şəhidi, mindən çox Xocalı sakinini ermənilərin əlindən xilas etmiş, Azərbaycanın əfsanəvi döyüşçüsü Allahverdi Bağırov yaşasaydı, bu gün 75 yaşında olacaqdı. Lakin vətən və millət sevgisi onu mənfur düşmənin önündə sipər olmağa, ən şirin dəyər olan canını Azərbaycanın bütünlüyünə qurban verməyə çağırdı. Allahverdi Bağırov bu çağırışa ilk hay verənlərdən oldu.

Ağdamda əhalinin yardımı və öz vəsaiti ilə özünümüdafiə dəstələri quran Bağırov qısa müddətdə erməni muzdlulara və silahlı birləşmələrinə qarşı uğurlu əməlliyyatlar həyata keçirdi. O, qardaşı Eldar Bağırov kimi xalqımızın əsarətə düşməməsi və torpaq bütövlüyümüzün təmini üçün əlindən gələni əsirgəmədi. Həyatın acı həqiqəti budur ki, bütün qəhrəmanlar kimi, Allahverdi Bağırov da dünyadan tez köçdü. Allahverdi Bağırov çağdaş Azərbaycan üçün dönməzlik, əzmkralıq, mərdlik rəmzinə çevrildi.

AY Partiya Allahverdi Bağırovun doğma Ağdamı və Qarabağının azad olması münasibəti ilə ruhu şad olsun deyir, əziz xatirəsini ehtiramla yad edir.