MÜRACİƏT

 

14.07.2020-ci il tarixdə Bakıda keçirilən Azərbaycan Ordusuna dəstək yürüşündən sonra müxalifət partiyaları üzvlərinin, ictimai fəalların həbsi ilə bağlı çoxsaylı xəbərlər yayılır. Xəbərlərdə təkcə AXCP-nin 40-a yaxın üzvünün həbs edildiyi, onların işgəncə altında saxlandığı göstərilir.

Bundan başqa, Müsavat Partiyası üzvlərinin, eləcə də heç bir siyasi mənsubiyyəti olmayan ictimai fəalların müxtəlif ittihamlarla, o cümlədən karantin rejimi qaydalarını pozmaq ittihamları ilə həbs edildiyi xəbərləri gəlməkdədir.

Xarici təcavüzlə üz-üzə qaldığımız günlərdə daxildə gərginlik yaradan bu cür addımlar ictimaiyyəti ciddi şəkildə narahat edir. Azərbaycan Yüksəliş Partiyasının (AYP) Təşəbbüs Qrupu olaraq, bu narahatlıqları bölüşür, sizdən xahiş edirik ki, saxlananların kimliyi, onlara qarşı irəli sürülən ittihamlar, haqqında həbs qətimkan tədbiri seçilənlərin saxlanma şəraitləri ilə bağlı monitorinq keçirib, ictimaiyyətə bilgi verəsiniz.