Bu gün AY Partiya qurucu üzvü, qədim, gənc və dəyərli dostumuz, yol arxadaşımız, partiyamızın mətbuat üzrə başqan müavini Gülşən xanımın doğum günüdür. Biz onu tələbəçilik illərindən Azərbaycan sevdalısı, doğruluğun və halallığın tərəfadarı kimi tanımışıq.

İstər ümumi işlərdə aktivliyinə görə, istərsə də xüsusi məsələlərdə həssaslığına görə daim ətrafımızdaki bir çox dostlarımızdan fərqlənib.

Ona görə də onun yeri bizim nəzərimizdə başqadır. Bu il onun üçün həm də doğma Zəngilanının azad olunduğu ildir. Onun sevincinə biz də şərik olaraq istəyirik ki, hər yeni yaşında onun taleyində bundan da gözəl əlamətdar hadisələr baş versin.

Əziz Gülşən xanım, AY Partiya rəhbərliyi və kollektivi adından Sizə can sağlığı, işlərinizdə uğurlar, ailənizdə xoşbəxtlik, həyatınızda da müvəffəqiyyətlər diləyirik. Doğum gününüz qutlu olsun!