Azərbaycan Yüksəliş Partiyası

İraq Türkmanlarının 16 yanvar şəhidlərinin

əziz xatirəsini yad edir

Qanlı Səddam Hüseyn rejimi həm anti-bəşəri, həm də anti-türk mahiyyəti ilə tanınırdı. Lakin dünya ictimaiyyəti onun anti-bəşəriliyini dilə gətirir, anti-türk mahiyyətini heç vaxt danışmırdı. Halbuki, Səddam rejimi minlərlə İraq Türkmanını repressiyalara məruz qoyub, yüzlərlə Türkmanı edam edib.

 16 yanvar 1980-ci il tarixində İraqda fəaliyyət göstərən Türkman Qardaşlıq Ocağı Başqanı Albay Abdullah Abdurrahman və milli mübarizə yoldaşları dosent Dr. Necdət Koçak, Dr. Rza Dəmirçi və iş adamı Adil Şərif İraq rejimi tərəfindən Türk olduqları üçün edam edildilər.

O gündən etibarən bu tarix hüzn dolu duyğularla qeyd olunur.

 Azərbaycan Türkləri heç vaxt İraq Türkmanlarının taleyinə biganə olmayıblar. Bu gün də hər bir soydaşımız kimi, AY Partiya üzvləri İraq Türkmanlarının haqlı mübarizəsinə öz dəstəyini bildirir, onların haqları və hüquqları uğrunda canından keçən şəhidlərimizin əziz xatirəsini yad edir, bir gün Türk Birliyinin qurulacağını və əsir yurdların istiqlalına qovuşacağına əminliyini bəyan edir. 

 Varolsun Türkməneli!

 Yaşasın Türk Birliyi!