Fevralın 13-ü Türk Dünyasının iki böyük şairi - Bəxtiyar Vahabzadə və Ozan Arifin anım günüdür.
Bəxtiyar Vahabzadə 16 avqust 1925-ci ildə Azərbaycanın Nuxa (Şəki) şəhərində, Ozan Arif (Arif Şirin) 10 iyun 1949-cu ildə Türkiyənin Samsun şəhərində anadan olublar.
Hər iki böyük aydının Türk Dünyası üçün xidmətləri əvəzsizdir. Onların yaradıcılığında Türk Dünyasının birliyi hər zaman xüsusi vurğulanıb, Türk xalqlarının problemləri, hüquqları ön planda olub. Təkcə Bəxtiyar Vahabzadənin "Azərbaycan-Türkiyə", Ozan Arifin "Ya Qarabağ, ya ölüm" şeirləri Türk sevdalısı olan hər bir insanın dilinin əzbəridir.
Bəxtiyar Vahabzadə 2009-cu, Ozan Arif 2019-cu ilin 13 fevralında əbədiyyətə qovuşiblar.
Azərbaycan Yüksəliş Partiyası hər iki dahi insanı sayğı ilə anır, Tanrıdan rəhmət diləyir.