İşğalçı Çin ordusu, 1-10 aprel 1990-cı ildə Ramazan ayında Şərqi Türküstanın Kaşqar vilayətinin Aktu mahalının Barın qəsəbəsində kütləvi  soyqırımı törətdi. Çinin törətdiyi qırğın yaddaşlarda yerini qoruyur, ağrısını ürəklərdə hiss etdirməyə davam edir.

Çinin Şərqi Türküstana qanunsuz köç təşkil etməsi və çinliləri yerləşdirməsi Uyğurların haqlı etirazı ilə qarşılaşdı.

Buna cavab olaraq Çin ordusu on gün davam edən bu nisbətsiz qarşıdurmada Barın qəsəbəsini dağıtdı. Çin rəhbərliyinin qırğından sonra verdiyi açıqlamada 170 nəfərin öldüyü və 350 nəfərin əsir götürüldüyü barədə yalan uyduruldu. Tanklar, təyyarələr və helikopterlər tərəfindən dəstəklənən, 20 mindən çox ağır silahla təchiz edilmiş böyük bir ordunun əliyalın 300-400 nəfərə qarşı hücumu nəticəsində baş verən  qırğının miqyası dəfələrlə böyük və ağır olub.

Bu böyük soyqırımından sonra Çin təhlükəsizlik bəhanəsi ilə Şərqi Türküstanın Qaşqar, Artuş, Ağsu və Hoten vilayətlərini mühasirəyə aldı və etiraz səbəbiylə 10 mindən çox Uyğur gənci tutularaq edam və ömürlük həbs cəzasına məhkum edildi.

AY Partiya rəhbərliyi və üzvləri Çin rejiminin törətdiyi cinayəti unutmur və bağışlamır, Barın şəhidlərini dərin kədər hissi ilə yad edir, ruhları qarşısında baş əyir, Şərqi Türküstanın mütləq azad olacağına inandığını, bu yolda canından keçməyə hazır olan qardaş Uyğur xalqı ilə həmrəy olduğunu bəyan edir.