Türk milliyətçiliyinin unudulmaz ismi, siyasətdə səmimiyyəti və dönməz əqidəsi ilə yadda qalan Böyük Birlik Partiyasının qurucu Başqanı, Türkiyə Böyük Millət Məclisinin keçmiş üzvü, görkəmlli siyasi xadim Muhsin Yazıcıoğlunun anım günüdür.

O, 2009-cu ilin 25 mart tarixində hələ də üstü açılmayan müəmmalı dikucaq (helikopter) qəzasında həyatını itirdi.

Yazıcıoğlu yeniyətmə yaşlarından doğulduğu Sivas vilayətində Ülkücülük hərəkatının içində fəaliyyətə başladı, bu mərhələdən sonra isə Ankaraya gələrək Ülkü Ocakları Başqanı və Ülkücü Gənclik Dərnəyi qurucu Başqanı vəzifəsinə qədər yüksəldi. Aktiv fəaliyyətindən dolayı qısa müddətdə yüzlərlə milliyətçinin liderinə çevrilən Yazıcıoğlu 1980-ci ildə Milliyətçi Hərəkat Partiyasının Başqan müşaviri təyin olundu.

Eyni il Türkiyiədə hərbi çevrilişdən sonra həbs olunan milliyətçilər arasında Yazıcıoğlu da vardı. O, həbsdə yeddi ildən çox qaldı, ancaq həbsdən çıxan kimi qaldığı yerdən siyasətə davam etdi. əqidəsindən dönmədi.

Muhsin Yazıcıoğlu dəfələrlə Türkiyiə Böyük Millət Məclisinə seçildi, müxtəlif səviyyələrdə millətinə xidməti davam etdirdi. Əqidəsi ilə siiyasətin reallıqları arasında bir gün seçim etməli oldu. İnandığı prinsiplərdən güzəştə getməyən Yazıcıoğlu MHP-nin siyasi kursunda yaranmış istiqamətlərlə razılaşmadığı üçün beş millət vəkili dostu ilə partiyadan istefa verdi və Böyük Birlik Partiyasını qurdu. Partiyasının dəfələrlə Başqanı seçildi və Məclisdə təmsil olunmasını təmin etdi.

Dikucaq qəzası nəticəsində dünyasını dəyişən Muhsin Yazıcıoğlu ölümündən sonra da tərəfdarlarının birliyinə və fəaliyyətinə adı ilə, dönməz əqidəsi və milliyətçi yolu ilə şüurlarda istiqamət və güc verir.

AY Partiya rəhbərliyi və üzvləri Muhsin Yazıcıoğlunu mübariz insan kimi xatırlayır, dərin ehtiramla yad edir, adını və yolunu yüksək tutur.

Allah rəhmət eləsin!