Bu gün Liviyanın müstəqillik gününün 69-cu ildönümü qeyd olunur.
Liviya xalqı bu şanlı günə çatmaq üçün uzun və çətin yol keçib. Müstəqil dövlət olmaq üçün Liviyanın ən dəyərli oğulları və qızları canlarından keçib, ancaq geri addım atmayıblar.

Liviyanın istiqlal mübarizəsi dünyanın ən güclü imperiyalarına qarşı apardığı milli azadlıq müharibəsi kimi də bilinməkdədir. Bir tərəfdən italyanların, o biri tərəfdən Fransa ilə Böyük Britaniyanın müstəmləkəçilik siyasətinə qarşı hər bir liviyalı əlində silah dirəniş göstərib. Ona görə də Liviyanın müstəqilliyinə aparan yol minlərlə qəhrəmanların qanı ilə suvarılıb.

Liviya Azərbaycan üçün həm də dost ölkədir. Müstəqilliyimizi ilk tanıyan, ərazi bütövlüyümüz uğrunda apardığımız mübarizədə siyasi və mənəvi dəstək verən ölkələrdən biridir. Lakin Liviya indi özünün çox ağır zamanını yaşayır. Ona görə də, inanırıq ki, qardaş Türkiyə Cümhuriyyəti ilə dost Liviya Cəmahiriyyəsi arasında davam edən əməkdaşlıq bəhrəsini verəcək və Liviyanın torpaq, dövlət və milli bütünlüyü təmin ediləcək, onun torpaqlarından son düşmən qovulacaq, sülh bərqərar olacaq.

AY Partiyası Liviya xalqını Müstəqillik Günləri münasibəti ilə təbrik edir, güclü, yüksək rifahlı, bütövləşmiş dövlətin bərpasında uğur diləyir, tezliklə sülhə nail olmalarını arzulayır.