Əziz həmvətənlər!

Sizi yəhudi Yeni il bayramı olan Roş ha-Şana münasibətilə təbrik edir, hər birinizə xoş arzularımı çatdırıram.

Yüz illərdir, ölkəmizdə məskunlaşan və buranı özünə doğma vətən bilən, heç bir ayrıseçkiliklə üzləşməyən yəhudi icması öz adət-ənənələrini, dil və mədəniyyətini qoruyub saxlayıb.

Hər zaman Azərbaycanın yanında olan yəhudi xalqı torpaqlarımızın işğal altında olduğu zamanda, Vətən müharibəsi dönəmində dövlətimizə dəstəyini açıq şəkildə nümayiş etdirib, haqq səsimizin dünyaya çatdırılmasında yardımını əsirgəməyib.

Sizi yeniliyin, mənəvi saflığın, xeyirxahlığın və həmrəyliyin simvolu olan Roş ha-Şana bayramı münasibətilə bir daha təbrik edir, bəşəriyyətin sülh içərisində birlikdə yaşaya biləcəyi bir dünya arzulayıram.

Dərin hörmətlə,
Anar Əsədli
Azərbaycan Yüksəliş Partiyasının Başqanı
Bakı şəhəri, 22 sentyabr 2022-ci il.