Azərbaycanın görkəmli yazıçı-dramaturqu, maarifçi, jurnalist, ictimai xadim Cəlil Məmmədquluzadənin doğum günüdür.

1869-cu ildə anadan olan C.Məmmədquluzadənin mətbuata ilk gəlişi 2 mart 1902-ci tarixində "Kaspi" qəzetində çıxan məqalə ilə olub. Onun bütün yazılarında xalqla bağlılığı hiss olunur, mədəni tərəqqinin inkişafı, maarifləndirmə kimi məsələlər önə çəkilirdi.

Yaradıcısı və naşiri olduğu “Molla Nəsrəddin” jurnalı (1906-1931) bütün Qafqaz, Türkiyə, İran və ümumilikdə müsəlman dünyasında böyük maraqla qarşılanıb. Onun ədəbi mühitdə qurduğu realist demokratik məktəb uzun illər öz sözünü deyib, bilavasitə xalqa xidmət edib.

Dramaturq yüzlərlə məqalə, pyes, povest, hekayə, felyetonun müəllifidir.

Azərbaycan Yüksəliş Partiyası görkəmli ədib, ictimai xadim Cəlil Məmmədquluzadəni böyük sayğı ilə yad edir.