Bu gün tanınmış hüquq müdafiəçisi, dəyərli Səidə Qocamanlının doğum günüdür.
Səidə xanım uzun illərdir ki, Azərbaycan cəmiyyətində insan haqlarının bərqərar olması, hüquq və azadlıqların qorunması yolunda yorulmadan, usanmadan qətiyyətli mübarizə aparan dönməz xanımlarımızdan biridir. Öz azsaylı əqidədaşları ilə birgə gördüyü işlər, ortaya qoyduqları əməli fəaliyyət onilliklərdir ki, bəhrəsini verməkdədir.
Səidə Qocamanlı kimi vicdanlı insan haqları müdafiəçilərinin əməyi nəticəsində yüzlərlə günahsız insan azadlığına qovuşub.
Dəyərli Səidə xanım bu gün də mübarizənin ön sıralarında yorulmaz fəaliyyətini davam etdirir.
Azərbaycan Yüksəliş Partiyası ictimai mühitimizin görkəmli insanlarından biri olan Səidə Qocamanlının doğum gününü təbrik edir, uzun və sağlam ömür diləyir, həyatının böyük hissəsini sərf etdiyi, hazırda davam etdirdiyi insan haqları və azadlıqları sahəsindəki fəaliyyətində uğurlar arzulayır.