Bu gün çağdaş nəsrimizin parlaq təmsilçilərindən biri sayılan yazıçı Elçin Hüseynbəylinin 60 yaşı tamam olur.

1961-ci ildə Cəbrayılda doğulan Elçin Hüseynbəyli M. Lomonosov adına Moskva Dövlət Universitetində ali təhsil alıb. Bədii yaradıcılığa gənc yaşlarından başlayan yazıçının indiyədək ölkədə və xaricdə onlarla əsəri çap olunub. Eyni zamanda tanınmış tərcüməçi olan Elçin Hüseynbəylinin əsərləri bir neçə xarici dilə çevrilib.

Uzun illər müxtəlif mətbuat orqanlarında çalışıb. "Ulduz" jurnalının və "Ədəbiyyat qəzeti"nin baş redaktoru olub. Azərbaycan Yazıçılar Birliyinin katibidir. Çoxsaylı ədəbi mükafatlara, o cümlədən Əməkdar incəsənət xadimi fəxri adına layiq görülüb.

Azərbaycan Yüksəliş Partiyası Elçin Hüseynbəylini 60 illik yubileyi münasibətilə təbrik edir, yaradıcılıq uğurları və sağlıqlı ömür arzulayır.