Firidun bəy Köçərli 26 yanvar 1863-cü ildə Şuşa şəhərində anadan olub. Elə ilk təhsilini də 1876-cı ildə Şuşa şəhər məktəbində alıb. Daha sonra 1879-1885-ci illərdə Zaqafqaziya müəllimlər seminariyasında təhsilini davam etdirib, 1895-1918-ci illər ərzində həmin seminariyada müəllim kimi fəaliyyət göstərib.

 

XlX əsrin görkəmli nümayəndəsi olan F.Köçərlinin Azərbaycan elminin inkişafında böyük xidmətləri olub. O, 300-dən artıq dərsliklərə düzəlişlər edib, nəzəri materialları daha dərindən araşdırıb, metodika və stilistikasını dəyişərək zənginləşdirib.

 

1885-ci ildə İrəvana köçən Köçərli həmin illər M.F.Axundzadənin "Müsyo Jordan və Dərviş Məstəli Şah" əsərini teatrallaşdıraraq mədəni hadisəyə çevirib.

 

Dövrünün vətənpərvər ziyalı və siyasətçisi olan Firidun bəy Köçərli 1920-ci ildə "Müsavat" partiyasında göstərdiyi fəalliyyəti əsas gətirilərək, əks inqilabçı adı ilə qətlə yetirilib.

 

Azərbaycan Yüksəliş Partiyası ziyalı-alim Firidun bəy Köçərlinin xatirəsini dərin hörmətlə yad edir.