Warning: session_start(): open(/var/cpanel/php/sessions/ea-php73/sess_c52138c06ad12ca91b5b81b4147a2fec, O_RDWR) failed: Disk quota exceeded (122) in /home/aypartiya/public_html/index.php on line 0
Warning: session_start(): Failed to read session data: files (path: /var/cpanel/php/sessions/ea-php73) in /home/aypartiya/public_html/index.php on line 0
İncəsənət xadimi Həmidə Ömərovanın doğum günüdür
Bu gün tanınmış incəsənət xadimi, istedadlı kinoaktrisa, professor Həmidə Ömərovanın doğum günüdür.
Həmidə Məmməd qızı Ömərova 25 aprel 1957-ci il tarixində anadan olub, 1975-1979-cu illərdə Ümumittifaq Dövlət Kinematoqeafiya İnstitutunda aktyorluq ixtisası üzrə təhsil alıb.
1979-1993-cü ilədək C.Cabbarlı adına "Azərbaycanfilm" kinostudiyasında, eyni zamanda 1992-93-cü illərdə Azərbaycan Kinematoqrafçılar İttifaqında işləyib.
Azərbaycan kinofilmlərinin öndə gedən, sevilən aktrisası çoxsaylı filmdə əsas rolları aparmaqla yanaşı, 500-dən artıq bədii filmin dublyaj səsləndirmələrini həyata keçirib. Uzun illər Azərbaycan teleməkanının izlənilən verilişi "Retro" kinoproqramı Həmidə Ömərovanın aparıcılığı ilə rəğbət qazanıb.
Yaradıcılıqla yanaşı, pedaqoji fəaliyyətində də xüsusi xidməti olan H.Ömərova uzun illər Azərbaycan Dövlət Mədəniyyət və İncəsənət Universitetinin "Kinoşünaslıq"kafedrasının müdiri olub, hazırda professor kimi nəzəri fənləri tədris edərək çalışmaqdadır. "Amerika kino tarixi", "Azərbaycan kinosunda feminizm", "ABŞ kinosu:1895-1945-ci illər"adlı kitabların müəllifidir.
Azərbaycan Yüksəliş Partiyası sevilən sənətkar, kino xadimi Həmidə Ömərovanı doğum günü münasibəti ilə təbrik edir, yaradıcılıq uğurları arzulayır.
