Azərbaycanın görkəmli yazıçısı, ssenarist İsa Hüseynovun (Muğanna) anım günüdür.

İsa Hüseynov 12 iyun 1928-ci ildə anadan olub, 1952-ci il tarixində Moskvada M.Qorki adına Ədəbiyyat İnstitunu bitirib. 1952-1954-cü illər ərzində “Azərnəşr”də şöbə müxtəlif vəzifələrdə işləyib. Uzun illər C.Cabbarlı adına "Azərbaycanfilm" kinostudiyasında baş redaktor kimi fəaliyyət göstərib.

İsa Hüseynov (Muğanna) ədəbi fəaliyyətə 1948-ci ildən başlayıb, 1950-ci ildən etibarən iyirmidən artıq kitabları nəşr olunub. Onun ssenarisi əsasında çəkilən "Nəsimi", "Nizami", "Tütək səsi", "Od içində" və bir neçə filmlər izləyici rəğbəti qazanıb.

Əsərləri arasında "Məhşər", "Yanar ürək", "İdeal" romanları xüsusi diqqət çəkir. "İdeal" romanı isə 1980-ci illərin sonunda ədəbi mühitdə məzmun və mövzu mahiyyətilə bir inqilab hadisəsi hesab oluna bilər.

Sevilən yazıçı İsa Muğanna 1 aprel 2014-cü il tarixində dünyasını dəyişib.

Azərbaycan Yüksəliş Partiyası görkəmli yazıçı İsa Hüseynovun xatirəsini dərin hörmətlə yad edir.