Bu gün görkəmli yazıçı İsi Məlikzadənin doğum günüdür.

İsi Məlikzadə 1 may 1934-cü ildə anadan olub, ali təhsilini 1952-57-ci illərdə Azərbaycan Sənaye İnstitutunun "Neft-kimya" fakültəsində alıb, ixtisası üzrə müxtəlif vəzifələrdə işləyib.
Hələ gənc yaşlarından publisistika ilə məşğul olub, ədəbi mühitdə tanınıb. 1966-1973-cü illərdə "Ulduz" jurnalının şöbə müdiri, daha sonra məsul katib, "Azərbaycanfilm" kinostudiyasında ssenari redaksiya heyətinin üzvü, baş redaktor, "Azərbaycan" jurnalının nəsr şöbəsinin müdiri olub.

İsi Məlikzadənin ssenarisi əsasında 30-a yaxın film çəkilib, teatr səhnələrində tamaşaları qoyulub. Bir çox sevilən televiziya tamaşasının müəllifidir. İllərlə rəğbətlə izlənilən "Qatarda" televiziya tamaşası buna misaldır.
Yaradıcılığında nəsr əsərləri ilə yanaşı, şeirə də yer verən yazıçı 10-dan artıq kitabın müəllifidir.
Sevilən yazıçı İsi Məlikzadə 12 may 1995-ci il tarixində dünyasını dəyişib.

Azərbaycan Yüksəliş Partiyası dəyərli yazıçı İsi Məlikzadənin xatirəsini hörmətlə yad edir.