Azərbaycan SSR Ali Sovetinin XII çağırış deputatı olmuş Hicran Kərimli iyunun 8-də yaşadığı Moskva şəhərində 58 yaşında vəfat edib.
Adı tarixə istiqlalçı deputat kimi düşən Hicran Kərimli millət vəkili olmazdan öncə Milli Azadlıq Hərəkatının aktiv iştirakçılarından, Azərbaycanın müstəqilliyi uğrunda mübarizə aparan önəmli simalardan biri olub.
O, 26 noyabr 1991-ci ildə təşkil edilən Azərbaycan Respublikası Ali Soveti Milli Şurasının üzvləri arasında yer alıb.
Millət vəkili kimi fəaliyyəti başa çatan Hicran Kərimli Belarusa köçüb, bir müddət sonra Rusiyaya gedərək, orada yaşamağa qərar verib.
Azərbaycan Yüksəliş Partiyası istiqlalçı deputatın vəfatından kədərləndiyini bildirir, onun ailə üzvlərinə, yaxınlarına, silahdaşlarına dərin hüznlə başsağlığı verir.