Dəyərli Meral xanım!

Qardaş Türkiyənin çağdaş siyasi sistemində ayrıca əhəmiyyətli yeri və mövqeyi olan İYİ Partiyanın yaranmasından 5 il ötür.
Bu münasibətlə Sizi və partiyadaşlarınızı ürəkdən təbrik edirəm. Sizin liderliyinizdə bu partiyanın qazandığı nailiyyətlər həm də Türk dövlətçiliyinin və milli düşüncəsinin uğurlarıdır. Bu şərəfli yolda Sizə başarılar diləyirəm.
Türk dünyası adına gördüyünüz işlər çox əhəmiyyətlidir. Bizim üçün bu işlərin böyük dəyəri var və biz bunu yüksək qiymətləndiririk.
İnanıram ki, Türk Dünyası, Türk dövlət və toplumlarının daha da yaxınlaşması yönündə çalışmalarımız bundan sonra da davam edəcək.
İYİ Partiya və Azərbaycan Yüksəliş Partiyası arasında mövcud olan əməkdaşlığın daha yüksək səviyyəyə çatmasını, Türk Dünyası üçün birgə layihələr həyata keçirilməsini arzu edirəm.
Sizə tutduğunuz yolda uğurlar diləyirəm.

Anar Əsədli
Azərbaycan Yüksəliş Partiyası Başqanı

25 oktyabr 2022-ci il.
Bakı şəhəri.