1946-cı il dekabrın 15-də dünyaya göz açan Ramiz Rövşən BDU-da və Moskvada Ali Ssenari kurslarında təhsil alıb. C.Cabbarlı adına "Azərbaycanfilm" kinostudiyasında və Tərcümə Mərkəzində müxtəlif vəzifələrdə çalışıb.

 

"Bir yağışlı nəğmə" adlı ilk kitabı 1970-ci ildə işıq üzü görüb. İndiyədək 10-dan çox şeirlər kitabı çap olunub. Çoxlu sayda bədii və qısametrajlı filmin ssenari müəllifi olub. Dünya poeziyasından seçmə şeirləri dilimizə çevirib. Maraqlı publisistik yazıların və oxunaqlı nəsr əsərlərinin müəllifidir.

 

Azərbaycan demokratik hərəkatının tanınmış simalarından biri olan Ramiz Rövşən ictimai xadim kimi də məşhurdur.

 

Yüksək poetik istedad və düşüncə genişliyi ilə qələmə qələmə aldığı şeirlər çağdaş ədəbiyyatımızın örnək nümunələrindən sayılır. Uzun illərdir, şeirləri dillərdə dolaşan R.Rövşən bu gün ölkədə ən çox tanınan və sevilən şairlərdən biridir.

 

Azərbaycan Yüksəliş Partiyası görkəmli ədəbiyyat və düşüncə adamı olan Ramiz Rövşəni 75 yaşının tamam olması münasibətilə təbrik edir, yaradıcılıq uğurları və cansağlığı arzulayır.