Azərbaycan nəsr ədəbiyyatı tarixində ədəbi-mədəni inqilablar müəyyən dövr dilimlərində zaman-zaman baş vermişdi. İsa Muğanna bu silsilədən olan, dövrü üçün qalın çərçivələri qıran ən cəsarətli qələm sahiblərindəndir. Yazdığı əsərlər əsasən müxtəlif dövrün mühim tarixi dönəmlərini əks etdirib, yazıçı real faktlarla mistik düşüncəsini bir çox halda özündə birləşdirib. O, Azərbaycan ədəbi həyatındakı ictimai-siyasi cərəyanları əsərlərində xüsusi məharətlə açıqlayan, özünəməxsus üslubla ifadə edən böyük şəxsiyyət, ziyalıdır.

Azərbaycan Yüksəliş Partiyası görkəmli yazıçı İsa Muğannanın xatirəsini dərin sevgi və sayğı ilə yad edir.