AZƏRBAYCAN YÜKSƏLİŞ PARTİYASI GƏNCLƏR TƏŞKİLATININ
ƏSASNAMƏSİ
1. ÜMUMİ MÜDDƏALAR
1.1. Azərbaycan Yüksəliş Partiyası (AY Partiya) Gənclər Təşkilatı (bundan sonra mətndə GT) AY Partiyanın struktur vahidi olaraq partiyanın Baş Məclisində təsdiq olunan özünün Əsasnaməsi, partiyanın Məramnaməsi və Nizamnaməsi əsasında yaradılır və fəaliyyət göstərir.
1.2. GT-in tərkibi AY Partiyanın gənc üzvlərindən təşkil olunur.
2. FƏALİYYƏT PRİNSİPLƏRİ, HÜQUQ, MƏQSƏD VƏ VƏZİFƏLƏRİ
Gənclər Təşkilatı:
2.1. GT kollegiallıq və çoxluğun demokratik hüququ prinsipləri əsasında fəaliyyət göstərir;
2.2. AY Partiyanın gənclər siyasətinin formalaşmasına kömək edir, Gənclər Konsepsiyasının maddələrinin müəyyənləşdirilməsi üçün təkliflər irəli sürür;
2.3. Gənclərin problemləri ilə əlaqədar layihələr hazırlayır və həyata keçirir;
2.4. Müxtəlif gənclər QHT-ləri, Tələbə Gənclər Təşkilatları və siyasi partiyaların gənclər qolları ilə əlaqələr qurur, əməkdaşlıq edir;
2.5. AY Partiya rəhbərliyinin nəzarətində və razılığı ilə konfranslar, diskussiyalar, debatlar, mühazirələr, görüşlər, kütləvi tədbirlər keçirir və iştirak edir;
2.6. AY Partiyanın Beynəlxalq əlaqələr şöbəsi ilə koordinasiyalı şəkildə xarici ölkələrin gənclər təşkilatları və birlikləri ilə əməkdaşlıq edir, beynəlxalq gənclər hərəkatlarına və platformalarına qoşulur;
2.7. AY Partiyanın kursu və AY Partiyaüzvü olan gənclərin fəaliyyəti ilə əlaqədar video-çarxlar hazırlayır, bülletenlər və flayerlər buraxır, fleşmoblar keçirir.
2.8. Öz nəzdində Gənclərin Karyera Mərkəzi, Fərdi İnkişaf Kursları, Natiqlik və Debat Klubu və bu kimi qurumlar açır və idarə edir;
2.9. Partiyanın ali orqanları tərəfindən dövlət qurumlarına və ölkənin mərkəzi və yerli idarəetmə orqanlarına təklif olunan siyahılara, habelə AY Partiyanın struktur vəzifələrinə AY Partiya üzvü olan gənclərin namizədliklərini irəli sürür.
3. TƏŞKILATIN STRUKTURU VƏ İDARƏETMƏ ORQANLARI
3.1. Təşkilatın ali orqanı ildə bir dəfədən az olmayaraq çağırılan Ümumi Yığıncaqdır.
3.2. Növbəti və növbədənkənar Ümumi Yığıncaq Təşkilatın icra orqanı tərəfindən, bu olmadıqda üzvlərinin və ya AY Partiya bölgə gənclər şöbələrinin 3/1-nin təşəbbüsü və tələbi ilə çağrılır;
3.3. Təşkilatın üzvlərinə Yığıncağın yeri və vaxtı haqqında iki həftə əvvəl məlumat verilməlidir.
3.4. Ümumi Yığıncağın səlahiyyətinə aşağıdakılar aiddir:
AY Partiya Başqanına Təşkilatın sədri vəzifəsinə öz sıralarından nəmizədlər irəli sürür;
illik iş planını və sədrin hesabatını qəbul və təsdiq edir;
3.5. Ümumi Yığıncaq yalnız Təşkilat üzvlərinin yarısından çoxu iştirak etdikdə səlahiyyətli hesab olunur.
3.6. Ümumi Yığıncaqda müzakirə olunan məsələlər haqqında qərarlar sadə səs çoxluğu ilə qəbul edilir. Hər bir üzv bir səsə malikdir.
3.7. Təşkilatın fəaliyyətinə cari rəhbərliyi İdarə Heyəti həyata keçirir.
3.8. İdarə Heyəti Təşkilatın Sədrindən və onun müavinlərindən ibarət olan icra orqanıdır.
3.9. İdarə Heyəti kollegial icra orqanı olub aşağıdakı səlahiyyətlərə malikdir:
Təşkilatın üzvlüyünə qəbul edir və üzvlükdən azad edir;
təkliflər və layihələr irəli sürür;
Təşkilatın yerli şəbələrini və nümayəndəliklərini açır;
Təşkilatın başqa idarəetmə orqanlarının müstəsna səlahiyyətlərinə aid edilməyən bütün məsələləri həll edir.
3.10. İdarə Heyəti iclası üzvlərinin yarısından çoxu iştirak etdikdə səlahiyyətli sayılır və qərarları sadə səs çoxluğu ilə qəbul edilir.
3.12. Sədr:
Təşkilatı təmsil edir, onun adından müqavilələr bağlayır, etibarnamələr verir, Ümumi Yığıncağın və İdarə Heyətinin qərarlarının icrasını təşkil edir;
Ümumi Yığıncaq tərəfindən və bu Əsasnamə ilə onun üzərinə qoyulan digər funksiyaları həyata keçirir;
Öz müavinlərini təyin edir.
4. AY Partiya GƏNCLƏR TƏŞKİLATININ YERLİ ŞÖBƏLƏRİ
4.1. Gənclər Təşilatının fəaliyyətini əlaqələndirmək üçün AY Partiyanın rayon təşkilatları tərkibində GT-nin yerli şöbələri yaradılır;
4.2. Yerli şöbələrin fəaliyyəti, strukturu və idarəolunması bu Əsasnaməyə uyğun aparılır.