Bir millətin bağrından qopub gəldi bu işıq,
AYın nur topasıyıq, qaranlığa saçmışıq,
Haqqa könül vermişik, xalqa ürək açmışıq,
Haralardan yol aldıq, hara varacağıq biz –
Məramımız Yüksəliş!
Yüksəlişdir yolumuz!
Biz düzün tamarzısı, biz həqiqətin acı,
Ruhumuzdan qopubdur eşqimizin amacı.
Niyyətimiz, sevdamız – millətin ehtiyacı!
Gücümüzə güc qatır əcdadımız, ulumuz,
Məramımız Yüksəliş!
Yüksəlişdir yolumuz!
Hər şey bu Vətən üçün! – Bu, ən ülvi nidadır,
Azərbaycan hər dildən qopan səsdir, sədadır.
Cümhuriyyət yolunda canlarımız fədadır,
Bütövlükdən güc alır bükülməyən qolumuz,
Məramımız Yüksəliş!
Yüksəlişdir yolumuz!
Tökülən Şəhid qanı görkün olacaqdısa –
Diz çökər qarşındakı hər kim olacaqdısa!
Dünya böyük olacaq – Türkün olacaqdısa,
Zəfərə yürüməkdə sevdamız, amalımız,
Məramımız Yüksəliş!
Yüksəlişdir yolumuz!
Söz: Ehtiram İlham
Musiqi: Fərahim Sadiq