Azərbaycan Yüksəliş (AY) Partiyasının 8 Dekabr – Özbəkistan Respublikasının Konstitusiya Günü münasibəti ilə qardaş xalqa
TƏBRİKİ

Əziz qardaşlarımız, 8 dekabr – Özbəkistan Respublikasının Konstitusiya Günü münasibəti ilə hər birinizi təbrik edir, müstəqil dövlət quruculuğu işində hamınıza müvəffəqiyyət arzulayırıq.
Biz, Azərbaycan xalqı olaraq hər zaman Özbəkistanın uğurlarına sevinmişik, qüdrətli dövlət olma yolunda atdığı addımları dəstəkləmişik. Özbəkistan rəhbərliyi ölkənizin Türk Keneşində (Şurasında) və TürkPA-da üzvlüyünə qərar verəndə sevincimizin həddi-hüdudu yox idi. Bu addım bütün Türk xalqlarının ürəyincə olmuşdu.
AY Partiya olaraq inanırıq ki, Azərbaycan və Özbəkistan dövlətləri arasında əməkdaşlıq, dostluq və qardaşlıq münasibətləri bütün Türk xalqları üçün nümunəvi şəkildə inkişaf edəcək, bərkiyəcək və güclənəcək.
Partiyamız adından Özbək xalqını bir daha təbrik edir, Türk Birliyi quruculuğu yolunda hər birimizə uğur diləyirik.
Yaşasın Azərbaycan-Özbəkistan qardaşlığı!
Var olsun Türk Birliyi!